في اسكندرية قبل الفجر

عربية فول ع الكورنيش
مَعلقتين دمعة فوق الحلبسة
كوباية شاي بحليب مع حبة قراقيش
لسعة برد يناير والكهربا ساعة تقطع
وساعتين ماتجيش
ومش كافي نور ولاعة ولا شمعة
والتكتكة وصلت العضم
البرد شديد زمهرير
والواحد لو ماتثبتش ق حاجة هايطير
بالشيشة بالكرسي بالطرابيزة
الناس قبل العشا اللي مالحقوش يمسكوا ف حاجة بيطيروا
لو بصيت قبل الفجر
في البحر
هتلاقي اتنين بيلعبوا طاولة
واتنين واخدين الضومنه مقاولة
واتنين اخرس واعمي
بيخاول واحد فيهم يقرا للتاني
جواباته الغرامية
وخواحات
وشحاتين
ومغنيات
ورقاصين
وبشر بس مش بني آدمين
كلهم تلاقيهم طايرين ع الكورنيش
فوق البحر
في يناير
في اسكندرية
قبل الفجر