كوباية النسكافيه
كوباية النسكافيه
الفُحَّار
أم رسومات زرقا على حروفها
فاكراها
آخر مرة أما مشيتي
لقيتك سايباها
تحت الشباك
جنب زرعاية القرنفل النبيتي
سيبتها مكانها
بس بالليل
بالاقيها بتنادي على الفراشات
يناموا جواها
ويتغطوا بقرنفل
والفجر يقوموا ملونين
ألوان تانية
ألوان كلها حنية
بلون شفايفك
اللي عمرهم ما اتغطوا بروچ
الفُخَّارة اياها
في مكانها هي والفراشات
على حطة ايدك
Previous Post
Next Post