لو مش عارف تحبها تعالالي وانا اعلمك

هتفضل مصر هي الحضن الرائع والمحبة
ونلف نلف
مالاقيش راحة غير فيها
اللي مش عاجبة وشايفة كلام مبالغ فيها
هو حر
بس يسيبنا ف عشقنا وحالنا لترابنا ونيلنا
وارضنا
وبياعين الفل في الاشارات
وعربيات الفول ع النواصي
والست العجوزة بتاعة الشاي
واجمل بنات
وأظرف عيال
وأرخم عساكر
وأشجع صعايدة
وأخلى سيرة هلالية
ومطرب نشاز في الحسين
تعزمه على شاي
هو والطبلجي
وعازف الناي
عشان ما تكسرش نفسهم
وتسمعهم
وانت راسم بسمة
عشان ترضيهم
فيه كده والنبي
بلد أولها المرسي من فوق
وسطها السيدات نفيسة وسكينة والنبوية وزينب والحسين والسيد البدوي وماري جرجس والعدرا
وآخرها الشاذلي وابو الحجاج
لو مش عارف تحبها تعالالي وانا اعلمك

الرابط