مكان محجوز

تعرف؟

ان الليل أكتر نور

من ضَلام اليوم؟

في الليل شوفت أبويا طاير قُرْب السقف

جنب النِعْناعة

وماسك ايد أختي

وايد امي

عينيه لونها عسل بتنورقدامها لغاية آخر الحيط

والنور بيعدي لحد الكوبري

لسه هاقول له وحشتني القعدة جنبك

وانا باقرا باب معاملات النساء

وانت بتصححلي النطق

وبتجاوب بهدوء ع المستغلق م الافكار

كنت هقولك سيب أمي سيب أختي شوية

لقيتك باسم متبسم بتقولي: مش لازم شنطة

مكانك محجوز

والمركب هيقوم

فَتَّحت عينيا مالقيتهمش

ولقيت البيت غرقان مية واالميَّة وصلاني لحد وداني

الرابط